كلية العلوم كلية عظيمة وليست سيئة كما يعتقد الطلاب

كلية علوم، هتفضل من أعظم الكليات اللي انا بدرس وما زلت بدرس فيها والحمد لله علي كل حال طبعًا

.رسالتي لكل شخص التحق بكلية العلوم

اذا لم يحالفك الحظ للالتحاق بالكليات الطبية هقولك انه كلية علوم من الكليات اللي تقدر تخليك تحقق حلمك مهما كان اي طيب أسأل نفسك سؤال لو كلية علوم من 99 هتدخلها صح اكيد طبعا ليه؟

لان المجتمع خيرها انه مجموعها يبقي عالي وانه احنا مجتمع بيحب المظاهر واكيد طبعا الاقبال هيبقي عالي عليها مشكلتنا في المجتمع المصري بنشوف طالب كلية العلوم طالب بلا هدف احلامه ادمرت طموحاته بقت تحت الصفر والمشكلة اللي بيتكلم ده من اكثر الناس فشلا يعني كل اللي عليه يوزع طاقة سلبية.

_مسألتش نفسك الناس اللي اجتهدت دي وصلت للمكانة اللي فيها ازاي؟

طيب اتعينوا في شركات معاهم عربيات بقوا دكاترة اتعينوا في مستشفيات واماكن كتير ازاى وصلوا لده بأجتهادهم وتقاديرهم وحبهم للمكان اللي هما فيه وعدم استسلامهم طموحهم انهم يوصلوا لاحلامهم وممكن حتى لو مبقتش في تقدير ربنا بيعوضك بحاجات تانية

بستغرب من اي حد يقولي انت ليه ظلمتي نفسك ومروحتيش تمريض مقدمتيش خاص مروحتيش اداب اجتهادك مش هينفعك معرفش اي وكلام من هذا القبيل أحب اوجه رساله لكل شخص بيتكلم مهو معلش ربنا اختار ليا المكان ده مهما سعيت وحاولت ووووو اكيد ربنا مش هيختار ليا المكان الغلط ربنا حكمته عظيمة في كل شئ اياك تقلل من شأن كليتك مهما كانت هتقول احنا ف مصر هقولك يا سيدي طالما انت عارف انك في مصر اجتهد واعمل اللي عليك وربنا هيديك ده ف تقديرك وشغلك واي مجال تاني .

_تعرف حاجة انت تقدر توصل وتواصل التحدي

تقدر تخلي ليك مكانة وسط كل الناس اللي كانوا بيقولولك انك فاشل وانك مش هتوصل ولما ربنا يرزقك الناس اللي كانت بتضحك عليك هما اول ناس هيجوا يسقفوا ليك ويتمنوا انهم يبقوا ف مكانك ولو ليوم اوع تسمع لكلام فلان وفلان مهو الفاشل واللي مش بيجاهد نفسه اللي مش هيتحرك وهيفضل ينبذ على الفاضي والمليان والناجح الصامت اللي بيرضي بقدر ربنا ويعلم انه حكمته مهما سعى وحاول انه يروح مكان تاني بس ربنا بيوقف كل الطرق وخلاص بيستسلم لقدر الله وعظمته ويبقي دعم نفسه هو اللي بيوصل بكرم ربنا ونعمه عليه واولهم انه ديما بيقول الحمد لله نصيحة مني وعن تجربة والحمد لله يعني حب المكان اللي هتروحه حتي لو بالعافيه متيأسش اعرف انه ربنا اذا محققش ليك اللي انت عاوزاه اكيد حكمته عظيمة

_مش جايز لو روحت طب تحصل كوارث  !

تعمل حادثة يحصلك شلل لقدر الله تصاب مرض تشيل مواد تفضل طول عمرك تقول يارتني دخلت كلية غير دى لو كنت عارف هيحصلي كده ارضي باللي يجبوا ربنا الله عز وجل مقسم لكل انسان مننا رزقه 24قيراط سواء ف مجموع كلية شغل سفر كل انسان رزقه متجزء ليه تعترض علي امر ربنا وتسمع لكلام فلان وفلان اجتهد ف مكانك الل انت فيه متحاولش تقلل من شأن مكان او كلية وانت اصلا مش بتجتهد طيب اجتهد يا سيدي وشوف بذرة تعبك هتروح فين بعدين انت بتتكلم وبتقول يعني لما اتخرج هشتغل اي خليك واثق انك لو دخلت علوم متيأسش من جبر ربنا ليك لان ربنا عاوزك تدخلها لانه عالم وعارف انك قد المكان ده حبوا اللي ربنا ادهولكم ومتيأسوش الحياة مش بتوقف علي كلية والله الحياة ابسط من كده بكتير بس احنا اذا رضينا بقدر ربنا وكرمه ورزقه والله والله حال كل واحد فينا هيتغير للاحسن هتقول مهو ناس كتير اتخرجت وقاعدة في البيت هقولك ربنا مش هيدخلك مكان وهو شر ليك اكيد الشخص ده مسعاش مجتهدتش او ممكن ربنا بيختبر صبره وبيوفرله المكان المناسب مهو معلش “ان الله لا يضيع اجر من احسن عملا ” .

متفكرش في الشغل سيب لربنا كل حاجة

ومتقولش انك هتعمل اي لما تتخرج وتقول طيب هبقي زي صحبي الفلاني طيب ما اخويا كان ف علوم ومشتغلش طيب بنت عمي كانت في علوم وقاعدة في البيت طيب فلان الفلان معرفش اي ياعم انت ليه شاغل بالك ببكرة هو ربنا هيسألنا علي عمل بكرة ولا النهاردة عيش حياتك وعيش اليوم بيومه وكون صداقات وعلاقات واجتهد وحب المكان اللي انت فيه وبعدين لما تتخرج ربنا هيعدلها طيب انت لما بتفكر في مستقبلك سبت لربنا اي احنا مش مطلوب مننا بكرة قد ما مطلوب مننا انه نعيش اليوم بيومه .